اه يا بلد كلها سلطه و كوسه
شعب مهيس و حكومه موكوسه
معتش فى الدماغ غير هيفا و نوسه
بقى اتعلم و يطلع عينى فى الدروس
و اخرتها تقولى شوفلك قهوة و دوس
عينى عليكى يا بلد حاكمها التيوس
و حتى المبادئ اتباعت بالفلوس
ماشى يا عمى ماشى يا خال
افضل انضرب على قفايا من غير سؤال
منا اصلى مصرى اتعودت على الاحمال
مقولش اه ولا اقولش لا عشان اعيش العيال
بلد منهوبه و خيرها ضايع
و الى عايش فيها البلطجى و الصايع
اه يا بلد بحبك بس عايش فيكى جايع
اخرتها ايه ادينا عايشين
تعالى يا ايام و هدينا يا سنين
و ادينا هنفضل يا بلد مستنيين
ماحنا كده كده خالصين خالصين
و اخيرا هتوحشينى انتى و المصريين
المزاج
موضوع: سلطه 
السبت مارس 28, 2009 3:40 pm
